தமிழக முதல்வராக பதவி ஏற்க இருக்கும் ஸ்டாலினுக்கு தமிழில் முன்னணி நடிகராக இருக்கும் விஜய் சேதுபதி உள்ளிட்ட பலர் கோரிக்கை வைத்துள்ளனர்.
தமிழக முதல்வராக திமுக தலைவர் மு.க.ஸ்டாலின் நாளை 7ஆம் திகதி பதவியேற்க உள்ளார். அவருக்கு பல்வேறு தரப்பினர் வாழ்த்துக்களை குவித்து வருகின்றனர். குறிப்பாக திரையுலகிலிருந்து ரஜினிகாந்த், கமல்ஹாசன் உட்பட பலரும் அவருக்கு நேரிலும் சமூக வலைத்தளம் மூலமும், தொலைபேசியிலும் வாழ்த்துக்களை தெரிவித்துள்ளார்கள்.
இந்த நிலையில் விஜய் சேதுபதி, வெற்றிமாறன் உட்பட 67 பேர் முதல்வராக பதவி ஏற்க இருக்கும் ஸ்டாலினுக்கு வாழ்த்துக் கடிதம் ஒன்றை எழுதியுள்ளனர். அதில் அவர்கள் 14 கோரிக்கைகளையும் முன்வைத்துள்ளனர்.
தூத்துக்குடி ஸ்டெர்லைட், எட்டு வழிச்சாலை, கூடங்குளம் உள்பட 14 கோரிக்கைகள் அவர்களுடைய கடிதத்தில் குறிப்பிட்டு உள்ளதாகவும், அந்தக் கோரிக்கைகளை கூடிய விரைவில் நிறைவேற்றும்படியும் விஜய் சேதுபதி, வெற்றிமாறன் உள்பட 67 பேர் கையெழுத்து போட்டு கொடுத்திருப்பதாக தகவல்கள் வெளியாகியுள்ளன.
———————
Reported by : Sisil.L