இயக்குநர் வசந்த பாலன் கொரோனா தொற்றிலிருந்து மீண்டுள்ளார்.வெயில் படத்தின் மூலம் பிரபலமானவர் இயக்குநர் வசந்த பாலன். தொடர்ந்து அங்காடித் தெரு, அரவான், காவியத் தலைவன் உள்ளிட்ட படங்களை இயக்கியுள்ளார்.தமிழ் சினிமாவில் குறைந்த படங்களை இயக்கியிருந்தாலும் தரமான இயக்குநராக பார்க்கப்படுகிறார்.
இந்நிலையில் கடந்த சில நாட்களுக்கு முன்பு கொரோனா தொற்றால் பாதிக்கப்பட்டார். இதனை மருத்துவமனையில் தீவிர சிகிச்சைப் பிரிவில் அனுமதிக்கப்பட்டிருந்தார். வசந்த பாலன் தீவிர சிகிச்சைப் பிரிவில் அனுமதிக்கப்பட்டிருந்த செய்தியைக் கேட்டு அவரது நெருங்கிய நண்பரான லிங்குசாமி அதிர்ச்சியடைந்தார்.பாதுகாப்பு உபகரணங்களை அணிந்துக்கொண்டு தீவிர சிகிச்சைப் பிரிவில் அனுமதிக்கப்பட்டிருந்த வசந்த பாலனை நேரில் சந்தித்து அவருக்கு நம்பிக்கை அளித்தார். இதனால் நெகிழ்ந்துபோன வசந்தபாலன் ஆயிரம் முத்தங்கள் லிங்கு ஆயிரம் ஆண்டுகள் புகழுடன் வாழ்வாய் என பதிவிட்டிருந்தார்.
இந்நிலையில் கொரோனாவிலிருந்து முற்றிலும் மீண்டுள்ளார் இயக்குநர் வசந்தபாலன். அவருக்கு கொரோனா தொற்று நெகட்டிவான நிலையில் நேற்று மருத்துவமனையிலிருந்து வெளியேறியுள்ளார் வசந்த பாலன்.
திரைத்துறை பிரபலங்கள் பலரும் கொரோனாவால் பாதிக்கப்பட்டு வரும் நிலையில் வசந்த பாலன், கொரோனா நெகட்டிவ் ஆகி மீண்டு வந்திருப்பது ரசிகர்களை மகிழ்ச்சியில் ஆழ்த்தியுள்ளது.
—————-
Reported by : Sisil.L
