அமெரிக்காவின் ஆர்பிட்டல் அசெம்பிளி கோர்ப்பரேஷன் நிறுவனத்தின் சார்பில் விண்வெளியில் கட்டப்பட்டு வரும் வோயேஜர் ஸ்டேஷனின் ஹோட்டல் கட்டுமானப் பணிகள் வரும் 2025ஆம் ஆண்டில் முடிவுக்கு வரும் என
எதிர்பார்க்கப்படுகிறது.
இந்தக் குழுவில் நாசா வீரர்கள், விமானிகள், பொறியியலாளர்கள் மற்றும் கட்டிடக் கலைஞர்கள் உள்ளனர்.
இந்த 24 ஒருங்கிணைந்த வாழ்விடத் தொகுதிகள் ஒவ்வொன்றும் 20 மீற்றர் நீளமும் 12 மீற்றர் அகலமும் கொண்டதாக இருக்கும். மேலும் ஹோட்டல் அறைகள் முதல் திரைப்பட அரங்குகள் வரை வேறுபட்ட செயற்பாட்டைக் கொண்டிருக்கும்.
விண்வெளி ஹோட்டல் ஒரு பெரிய வட்டமாக இருக்கும் மற்றும் செயற்கை ஈர்ப்பை உருவாக்க சுழலும், இது சந்திரனின் மேற்பரப்பில் காணப்படும் ஈர்ப்பு விசைக்கு சமமாக அமைக்கப்படும்.
இந்த ஹோட்டலில் தங்கும் அறைகள், சினிமா திரையரங்கு, பார், மசாஜ் கிளப் என ஏராளமான வசதிகள் உள்ளன. ஒரே நேரத்தில் 400 பேர் வரை தங்கும் வசதி கொண்ட இந்த ஹோட்டலின் கட்டுமானப் பணிகள் விரைவாக நடந்து வருகின்றன.
ஒரு கப்பலில் நீங்கள் பார்க்க விரும்பும் அனைத்தும், ஆனால் இது ஒவ்வொரு 90 நிமிடங்களுக்கும் உலகை சுற்றும் வகையில் இருக்கும்.
பணிகள் நிறைவுற்ற பின் இது அமெரிக்க விண்வெளி ஆய்வு நிலையமான நாசாவிடம் விற்கப்படலாம் எனக் கூறப்படுகிறது. 2025இல் கட்டுமானப் பணிகள் முடிந்தாலும் 2027ஆம் ஆண்டு முதல்தான் மனிதர்கள் செல்ல முடியும் என்று ஆர்பிட்டல் நிர்வாகம் கூறியுள்ளது.
ஆனால் கட்டுமானப் பணிகளுக்கான செலவு, மனிதர்கள் தங்கும் செலவு குறித்த விபரங்கள் வெளியாகவில்லை.
