வவுனியா, கண்டி வீதியிலுள்ள பிரபல ஆடைத்தொழிற்சாலையில் பணியாற்றும் 7 பேர் உட்பட 8 பேருக்கு நேற்றிரவு கொரோனா வைரஸ் தொற்று உறுதி செய்யப்பட்டுள்ளது.குறித்த ஆடைத்தொழிற்சாலையில் பணியாற்றும் சிலர் கடந்த சில நாட்களாகக் கொரோனாத்
தொற்றாளர்களாக அடையாளம் காணப்பட்டதையடுத்து அவர்களுடன் தொடர்புடையவர்களிடம் மேற்கொள்ளப்பட்ட பி.சி.ஆர். பரிசோதனையின் முடிவுகள்
சில நேற்றிரவு வெளியாகிய நிலையில் 7 பேருக்குக் கொரோனா தொற்று உறுதிசெய்யப்பட்டுள்ளது.
அத்துடன், வவுனியா புதிய பஸ் நிலையத்திலுள்ள உணவகம் ஒன்றில் பணியாற்றுபவருக்கும் பி.சி.ஆர். பரிசோதனையில் கொரோனாத் தொற்று உறுதி
செய்யப்பட்டுள்ளது.இதன்படி வவுனியாவில் நேற்று 8 பேர் கொரோனாத் தொற்றாளர்களாக அடையாளம்காணப்பட்டுள்ளனர்.
இதேவேளை, வவுனியா, கண்டி வீதியிலுள்ள ஆடைத்தொழிற்சாலையைச் சேர்ந்த 14 பேர் இதுவரை கொரோனாத் தொற்றுக்குள்ளாகியுள்ளமை குறிப்பிடத்தக்கது.
