யாழில் சைக்கிளில் பயணித்த சிறுவர்களை மோதிய படி ரக வாகனம்;ஒருவர் பலி

யாழ்ப்பாணம் – அரியாலை, நாவலர் வீதியில் நேற்றுக் காலை (ஸ்ரான்லி கல்லூரிக்கு அருகில்) மோட்டார் சைக்கிளுடன் மோதுண்டு எட்டு வயதுச் சிறுவன் உயிரிழந்துள்ளார்.
சகோதரர்கள் இருவர் சைக்கிளில் பயணித்தபோது எதிரே வந்த படி ரக வாகனம் மோதியதிலேயே இவ்வனர்த்தம் நிகழ்ந்துள்ளது.சித்திரைப் புத்தாண்டு தினமான நேற்று காலை 8.45 மணியளவில் நாவலர் வீதி கனகரத்தினம் மகா வித்தியாலயத்துக்கு அருகில் இந்
தத் துயரச் சம்பவம்இடம்பெற்றுள்ளது.சம்பவத்தில் யாழ்ப்பாணத்தைச் சேர்ந்த ஜெயரூபன் மதுசிகன் (வயது-8)என்ற சிறுவன் சம்பவ இடத்திலேயே உயிரிழந்தார்.அவரது மூத்த சகோதரனான 12 வயதுச் சிறுவன் படுகாயமடைந்து யாழ்.போதனா வைத்தியசாலை அதிதீவிர சிகிச்சைப் பிரிவில் சேர்க்கப்பட்டுள்ளார். சகோதரர்கள் இருவரும் சைக்கிளில் பயணித்தபோது எதிரே வந்த படி ரக வாகனம் மோதி விபத்துக்குள்ளாகியுள்ளனர்.மூத்த சகோதரன் சைக்கிளைச் செலுத்திச் சென்றுள்ளார். பின்னிருக்கையிலிருந்த இளைய சகோதரன் வீதியின் பக்கம் வீழ்ந்த நிலையில் அவ்வழியால் வந்த மோட்டார் சைக்கிள் தலைமீது ஏறியதால் மரணம் நிகழ்ந்துள்ளதாக அறியப்படுகின்றது.இதேவேளை படி ரக வாகனத்தின் சாரதி கைது செய்யப்பட்டு யாழ்ப்பாணம் மேலதிக
நீதிவான் நளினி சுதாகரன் முன்னிலையில் முற்படுத்தப்பட்டார்.
சாரதியை வரும் 20ஆம் திகதி வரை விளக்கமறியலில் வைக்க மேலதிக நீதி
வான் உத்தரவிட்டார்.

Reported by : Sisil.L