மாந்தை மேற்கு பிரதேச செயலாளர் பிரிவில் உள்ள ஆட்காட்டி வெளி கிராம அலுவலகர் பிரிவில் உள்ள குமணாயன் குளம் புனித தோமையார் ஆலயத்தின் மீது நேற்று (06) பிற்பகல் இடி, மின்னல் தாக்கம் ஏற்பட்டது.
நேற்று மதியம் இடி, மின்னல் உடன் கூடிய மழை பெய்த நிலையில் பிற்பகல் 2.30 மணியளவில் குமணாயன் குளம் புனித தோமையார் ஆலயத்தின் மீது மின்னல் தாக்கியுள்ளதாகத் தெரிவிக்கப்படுகிறது. இதன்போது, ஆலயத்தினுள் கட்டிடப் பணியில் ஈடுபட்டுக் கொண்டு இருந்த மூவர் தெய்வாதீனமாக உயிர் தப்பியுள்ளார்.
அனர்த்தத்தில் ஆலயத்தின் மேற்கூரை சேதமடைந்துள்ளது.
குறித்த சம்பவத்தை தொடர்ந்து ஆலய நிர்வாகத்தினர், பொது மக்கள் இணைந்து ஆலயத்தை சீர் செய்யும் பணியில் ஈடுபட்டனர்.
————————