சில தினங்களுக்கு முன் மாரடைப்பு காரணமாக மரணமடைந்த விவேக்கின் நினைவாக நடிகையும் பிக்பாஸ் பிரபலமுமான ரம்யா பாண்டியன், மரக்கன்று நட்டு அஞ்சலி செலுத்தியுள்ளார்.
மறைந்த நடிகர் விவேக் அதிகளவில் மரங்களை நட்டு இயற்கையைப் பாதுகாக்க விரும்பியவர். அதனால் அவர்மீது அபிமானம் கொண்ட பலரும் தங்கள் பகுதியில் மரக்கன்றுகளை நட்டு அவருக்கு அஞ்சலி செலுத்தி வருகின்றனர்.
அந்தவகையில் நேற்று சிம்புவின் ‘மாநாடு’ படக்குழுவினர் மரக்கன்று நட்டு விவேக்கிற்கு அஞ்சலி செலுத்தினர்.
இந்நிலையில், நடிகை ரம்யா பாண்டியன், விவேக் மறைவையொட்டி அவர் நினைவாக 59 (விவேக் வயது) மரக் கன்றுகளை திருவள்ளூர் ஆயுதப் படை மைதானத்தில் மாவட்ட எஸ்.பி. அரவிந்தன் மற்றும் காவலர்களுடன் நட்டு சிறப்புரை ஆற்றினார்.
Reported by : Sisil.L
