இலங்கையில் நேற்றைய தினம் மேலும் 1,891 பேருக்கு கொரோனா தொற்று உறுதிப்படுத்தப்பட்டது என இராணு
வத் தளபதி சவேந்திர சில்வா தெரிவித்துள்ளார். ஒரே நாளில் அடையாளம் காணப்பட்ட அதிகளவு எண்ணிக்கையாக இதுவே உள்ளது.
இவர்கள் அனைவரும் புது வருட கொரோனா கொத்தணியுடன் தொடர்புடையவர்கள் என அவர் தெரிவித்தார். இதனடிப்படையில் இலங்கையில் இதுவரையில் கொரோனாவினால் பாதிக்கப்பட்டோர் தொகை ஒருஇலட்சத்து 11,700 ஐ தாண்டியுள்ளது.
நேற்றைய தினம் கொரோனா தொற்றுடன் அடையாளம் காணப்பட்டவர்களில் 48 பேர் வெளிநாடுகளிலிருந்து
வந்திருந்தவர்கள் எனவும் தெரிவிக்கப்பட்டது.
இதேவேளை, நாட்டில் இதுவரை கொரோனா தொற்றிலிருந்து 97 ஆயிரத்து 242 பேர் பூரண குணமடைந்தனர்.
மேலும், கொரோனா தொற்றுக்குள்ளாகி 687 பேர் உயிரிழந்துள்ளனர்.
Reported by : Sisil.L