இலங்கையில் கொரோனா வைரஸ் தொற்றால் பாதிக்கப்பட்டவர்களின் மொத்த எண்ணிக்கை நேற்று ஒரு இலட்சத்தைத் தாண்டியது.
நாட்டில் மேலும் 826 பேருக்கு கொரோனா தொற்று உறுதி செய்யப்பட்ட நிலையில் இதுவரையான பாதிப்பு ஒரு இலட்சத்து 517ஆக அதிகரித்தது. இதேவேளை, கொரோனா தொற்றிலிருந்து இதுவரை 94 ஆயிரத்து 155 பேர் குணமடைந்ததுடன், தொற்றால் மரணித்தவர்களின் எண்ணிக்கை 638ஆகப் பதிவாகியது.
இந்நிலையில், இன்னும் ஐயாயிரத்து 724 பேர் வைத்திய சாலைகளில் தொடர்ந்து சிகிச்சை பெற்று வருகின்றனர்.
இதேவேளை, உலகளவில் ஒரு இலட்சத்துக்கும் மேற்பட்டோருக்கு கொரோனா தொற்று கண்டறியப்பட்ட நாடுகளில் ஒன்றாகவும் கொரோனா பாதிப்பு வரிசையில் நோர்வேக்கு அடுத்து 89ஆவது நாடாகவும் இலங்கை பதிவாகியுள்ளமை குறிப்பிடத்தக்கது
Reported by : Sisil.L
