இந்தியாவில் கொரோனாவின் இரண்டாவது அலை வேகமாகப் பரவி வருகிறது. வைரஸ் பரவலைக் கட்டுப்படுத்த மத்திய, மாநில அரசுகள் தீவிர முயற்சி மேற்கொண்டு வருகின்றன. இதற்கிடையில், கொரோனாவைக் கட்டுப்படுத்த போராடி வரும் இந்தியாவிற்கு உலக நாடுகள் உதவிக்கரம் நீட்டி வருகின்றன.
அந்த வகையில் ஐரோப்பிய நாடான சுவிட்சர்லாந்து, இந்தியாவுக்கு ஒட்சிசன் மற்றும் மருத்துவ உபகரணங்களை வழங்க முன்வந்துள்ளது. மேலும், இந்தச் சவாலான சூழ்நிலையில் இந்தியாவுடன் துணை நிற்போம் என்றும் சுவிட்சர்லாந்து அரசு தெரிவித்துள்ளது.
இது தொடர்பாக, சுவிட்சர்லாந்து தூதரகம் வெளியிட்ட அறிக்கையில், சுவிஸ் மனிதாபிமான நிவாரண அடிப்படையில் இந்தியாவுக்கு சுவிட்சர்லாந்து அரசு மருத்துவ உதவிகளைச் செய்ய உள்ளது. இதில், ஒட்சிசன் செறிவூட்டிகள், வெண்டிலேட்டர்கள் மற்றும் பிற மருத்துவ உபகரணங்களும் அடக்கம். இந்தச் சவாலான சூழ்நிலையில் இந்தியாவுடன் சுவிட்சர்லாந்து துணைநிற்கும் எனத் தெரிவிக்கப்பட்டுள்ளது.
Reported by : Sisil.L