யாழ்.தென்மராட்சி – மட்டுவில் பகுதியில் 8 வயதுச் சிறுவன் மோட்டார் சைக்கிளை ஓடிய
வேளை அருகில் இருந்த அவரது சகோதரியான ஒன்றரை வயதுக் குழந்தை அதில் சிக்குண்டு இறந்த பரிதாப சம்பவம் புத்தாண்டு தினமான நேற்று இடம்பெற்றுள்ளது.மட்டுவில் – துர்க்கையம்மன் கோவில் பகுதியிலுள்ள வீடொன்றில் நேற்றுக்காலை இடம்பெற்ற இந்த துயரச் சம்பவத்தில் கஜேந்திரன் சுவேசனா என்ற குழந்தையே உயிரிழந்தது.வீட்டின் முன்பாக நிறுத்தப்பட்டிருந்த தாயாரின் ஸ்கூட்டி ரக மோட்டார் சைக்கிளை 8 வயதுச் சிறுவன் விளையாட்டாக இயக்கியுள்ளார். இதன்போது மோட்டார் சைக்கிள் சீறிப் பாய்ந்து கீழே விளையாடிக்கொண்டிருந்த ஒன்றரை வயதுச் சிறுமியின் வயிற்றின் மேல் ஏறியது. இதனையடுத்து சம்பவ இடத்திலேயே சிறுமி உயிரிழந்தார்.
சாவகச்சேரி மருத்துவமனைக்கு கொண்டு செல்லப்பட்ட சிறுமியின் சடலம் அங்கிருந்து மரண விசாரணைகளுக்காக யாழ்ப்பாணம் போதனா வைத்தியசாலைக்கு அனுப்பப்பட்டது
Reported by : Sisil.L