முல்லைத்தீவு மாவட்டத்தின் பல்வேறு பகுதிகளிலும் நேற்று
இடி மின்னலுடன் கன மழை பொழிந்துள்ளது.குறிப்பாக, 18 மாவட்டங்களுக்கு சிவப்பு எச்சரிக்கை விடுக்கப்பட்டதோடு மின்னல் தாக்கமும் இருக்கும் என எச்சரிக்கை விடுக்கப்பட்டிருந்த நிலையில் நேற்று முன்தினம் முல்லைத்தீவு தண்ணிமுறிப்பு பகுதியில் மின்னல் தாக்கி மூவர் உயிரிழந்திருந்தனர். அத்தோடு நேற்றும் குறித்த பகுதியை அண்டிய பகுதிகளில் இடி மின்னலுடன் கன மழை பொழிந்துள்ளது.இதேவேளை, மாவட்டத்தின் பல பகுதிகளிலும் இடி மின்னலுடன் பலத்த மழை பொழிந்துள்ளது. இதனால் நேற்றும் புதுக்குடியிருப்பு, வேணாவில் பகுதியில் குடும்பஸ்தர் ஒருவர் மின்னல் தாக்கி படுகாயமடைந்த நிலையில் வைத்தியசாலையில் சேர்க்கப்பட்டுள்ளார்
Reported by : Sisil.L
