கிளிநொச்சி, பூநகரி ஜெயபுரத்தில் மோட்டார் சைக்கிளில் பயணித்த நி ர் வா க க்
கிராம அலுவலரும் அவரது மனைவி யு ம் உயிரிழந்துள்ளனர்.
இந்தத் துயரச் சம்பவம் நேற்றிரவு 8.10 மணியளவில் இடம்பெற்றது. சம்பவத்தில் நயினாதீவைப் பிறப்பிடமாகவும் முழங்காவிலை வசிப்பிடமாகவும் கொண்ட பூநகரி பிரதேச செயலக நிர்வாகக் கிராம அலுவலகர் பாலசிங்கம் நகுலேஸ்வரன் மற்றும் அவரது மனைவி சுனித்தாஆகிய இருவருமே உயிரிழந்தனர். கிராம அலுவலகர் சம்பவ இடத்திலும், அவரது மனைவி கிளிநொச்சி வைத்தியசாலையில் சேர்க்கப்பட்ட நிலையிலும் உயிரிழந்தனர்.
கடும் காற்றுக் காரணமாக மரம் ஒன்று முறிந்து விழுவதைக் கண்ணுற்ற கிராம அலுவலர் மோட்டார் சைக்கிளில் விலத்திச் செல்ல முற்பட்டபோது பின்னால் சென்ற டிப்பர் வாகனம் மோதித் தள்ளியது என உறவினர்கள் தெரிவித்தனர்.
எனினும், வாகனங்கள் எவையும் சம்பவ இடத்தில் காணப்படவில்லை என்றும், இது விபத்தா அல்லது யானை தாக்கியதா என இரண்டு கோணங்களில் விசாரணைகள் முன்னெடுக்கப்படுகின்றன என்றும் ஜெயபுரம் பொலிஸார் தெரிவித்தனர்.
—————
Reported by : Sisil.L
