திருகோணமலை நிலாவெளி கடலில் நீராடச் சென்ற யாழ். இளைஞர்களில் இருவர் காணாமல் போயிருந்த நிலையில் ஒருவர் சடலமாக மீட்கப்பட்டுள்ளார் என குச்சவெளி பொலிஸார் தெரிவித்தனர்.
இச்சம்பவம் நேற்று மாலை இடம்பெற்றுள்ளது.
இவ்வாறு உயிரிழந்தவர் யாழ்ப்பாணம்-வலிகாமம் தெற்கு பிரதேசத்திலுள்ள குப்பிளான் பகுதியைச் சேர்ந்த நவரஞ்சன் கௌதமன் (வயது-21)
ஆவார். மற்றொருவரான சிவச்சந்திரன் ராசா
சிந்துஜன் காணாமல் போயுள்ளதாக
பொலிஸார் தெரிவித்தனர்.
சிவராத்திரி தினத்தை முன்னிட்டு யாழ்ப்பாணத்திலிருந்து திருகோணமலை நோக்கி மோட்டார் சைக்கிளில் நண்பர்கள் சிலர் சென்றனர் எனவும் சமய வழிபாடுகளை முடித்து விட்டு வீட்டுக்குச் செல்வதற்கு முன்னர் நிலாவெளி கடற்கரைப் பகுதிக்கு நீராடச் சென்ற போது இருவர் கடல் அலையில் இழுத்துச் செல்லப்பட்டதாகவும் இதில்
ஒருவர் உயிரிழந்துள்ள நிலையில் மற்றவர் காணாமல் போயுள்ளதாகவும்
பொலிஸார் தெரிவித்தனர்.
Reported by : Sisil.L
