சந்திரயான்-3 விண்கலத்தின் லேண்டரில் இருந்து சாய்தள பாதையின் வழியாக வெளிவந்த ரோவர் பிரக்யான் (Rover Pragyan) தற்போது நிலவில் உலாவரத் தொடங்கியுள்ளதாக இஸ்ரோ ஆய்வு மையம் தெரிவித்துள்ளது.
இதனையடுத்து, நிலவின் தென் துருவத்தில் அரிய கனிமங்கள், ஐஸ் தொடர்பில் ரோவர் பிரக்யான் ஆய்வுகளை ஆரம்பித்துள்ளதாக தெரிவிக்கப்படுகின்றது.
இந்தியாவின் சந்திரயான்-3 விண்கலம் நேற்று(23) நிலாவில் வெற்றிகரமாக தரையிறங்கியது.
சந்திரயான்-3 தனது நோக்கத்தை வெற்றிகரமாக நிறைவு செய்தமையின் ஊடாக, அமெரிக்கா, ரஷ்யா மற்றும் சீனாவிற்கு பின்னர், நிலவு தொடர்பான ஆய்வுகளை மேற்கொண்டு சாதனைகளைப் படைத்த உலகின் நான்காவது நாடாக இந்தியா பதிவாகியுள்ளது.
நிலவின் தென் துருவத்தைத் தொட்ட முதலாவது நாடாக இந்தியா பதிவாகியுள்ளது.
Reported by:N.Sameera
