யாழ்ப்பாணம் – வட்டுக்கோட்டை பொலிஸ் பிரிவிலுள்ள வீடொன்றில் வயோதிபப் பெண்கள் இருவரின் சடலங்கள் கண்டறியப்பட்டன.
மாவடி, சங்கரத்தை என்ற இடத்திலுள்ள வீடொன்றில் இவ்வாறு சடலங்கள் கண்டறியப்பட்டன என்று பொலிஸார் தெரிவித்தனர்.
76, 73 வயதுகளையுடைய பெண்களே இவர்கள் என்றும் பொலிஸார் குறிப்பிட்டனர்.
ஒருவர் இரண்டு வாரங்களுக்கு முன்பாக உயிரிழந்துள்ளார். மற்றையவர் இரண்டு நாட்களுக்கு முன்னர் உயிரிழந்திருக்கலாம் என்று நம்பப்படுகிறது.
இருவர் மட்டுமே அந்த வீட்டில் வசித்து வந்த நிலையில் அவர்களுக்கு உதவிக்கு எவரும் இல்லை என்று விசாரணைகளில் தெரிவிக்கப்பட்டது.
மாதாந்த உதவிப் பணம் பெற்றுக்கொள்ளவில்லை என்று கிராம சேவகர் வீடு தேடிச் சென்ற போதே இருவரும் உயிரிழந்துள்ளமை தெரியவந்துள்ளது.
——————–
Reported by:Anthonippillai.R
