யாழ்ப்பாணம் கொக்குவில் கிழக்கில் வீட்டை அடித்து நொருக்கிய வன்முறைக் கும்பல் வாகனங்களுக்கும் தீ வைத்து விட்டுத் தப்பிச் சென்றது.
கொக்குவில் கிழக்கு நந்தாவில் அம்மன் கோவிலை அண்டிய பகுதியிலுள்ள ஐஸ்கிரீம் உற்பத்தி நிலையம் இயங்கும் வீட்டிற்குள் நேற்று இரவு புகுந்த வன்முறைக் கும்பலே இந்த அடாவடியில் ஈடுபட்டுள்ளது.
வாள்கள், கம்புகள் சகிதம் புகுந்த குழுவினர் முதலில் வீட்டை அடித்து நொருக்கியதோடு வீட்டின் முன்பாக நிறுத்தி வைத்திருந்த காரையும் அடித்து சேதப்படுத்தியுள்ளனர்.
இதனைத் தொடர்ந்து இரு மோட்டார் சைக்கிள்களையும் தீ வைத்துக் கொளுத்தியதில் அவை முற்றாக எரிந்து நாசமாகியுள்ளன.
—————
Reported by : Sisil.L