கடுமையான டீசல் நெருக்கடியை அடுத்து நாடு முழுவதிலுமுள்ள எரிபொருள் நிரப்பு நிலையங் களுக்கு டீசல் விநியோகத்தைக் கட்டுப்படுத்து வதற்கு இலங்கை பெற்றோலியக் கூட்டுத்தாபனம் (CPC) நேற்று முதல் நடவடிக்கை எடுத்துள்ளது.
எண்ணெய் சேமிப்பு முனையங்களுக்கு இது தொடர்பான உத்தரவு பிறப்பிக்கப்பட்டுள்ளதாக கூட்டுத்தாபனத்தின் சிரேஷ்ட செய்தித் தொடர்பாளர் தெரிவித்தார்.
தற்போது நான்கு நாட்களுக்கு டீசல் இருப்பு உள்ளதாகவும், எனவே அந்தப் பங்குகளை நிர்வகிக்கும் நோக்கில் இந்த அறிவிப்பு வெளியிடப்பட்டுள்ளதாகவும் கூறப்படுகிறது.
இதேவேளை, 37,000 மெற்றிக் தொன் டீசலுடன் கப்பல் ஒன்று இன்று கொழும்புத் துறைமுகத்தை வந்தடையவுள்ள நிலையில், நேற்று பிற்பகல் வரை கப்பலின் டீசல் தொகையை விடுவிப்ப தற்கு பணம் செலுத்தப்படவில்லை எனத் தெரியவந்துள்ளது.
கப்பலுக்கான கட்டணம் தாமதமானால், தரையிறங்குவது தாமதமாகும் என்றும், நாட்டுக்குத் தேவையான டீசல் கிடைக்காமல் போகும் என்றும் கூட்டுத்தாபன வட்டாரங்கள் தெரிவிக்கின்றன.
மேலும், கப்பல் தரையிறங்குவதற்கு முந்தைய தர நிலை சோதனையின் போது மாதிரிகளின் தரம் தோல்வியடைந்தால் டீசல் நெருக்கடி மேலும் அதிகரிக்கும் என்று தெரிவிக்கப்பட்டுள்ளது.
—————-
Reported by : Sisil.L
