தீபாவளிக்கு வீட்டை பூட்டிவிட்டு ஆலயத்திற்குச் சென்றவரின் வீட்டை கொள்ளையர்கள் உடைத்து அங்கிருந்த பணம் மற்றும் தங்க ஆபரணங்கள் உட்பட 28 இலட்சம் ரூபா பெறுமதியானவற்றை கொள்ளையிட்ட சம்பவம் நேற்று வியாழக்கிழமை (05) மட்டு. ஏறாவூர் பொலிஸ் பிரிவிலுள்ள மைலம்பாவெளி பிரதேசத்தில் இடம்பெற்றுள்ளதாக ஏறாவூர் பொலிசார் தெரிவித்தனர்.
நேற்று தீபாவளி தினத்தையிட்டு காலை 11.00 மணியளவில் வீட்டை பூட்டிவிட்டு பிள்ளைகளுடன் கோவிலுக்குச் சென்று வழிபட்டு விட்டு மதியம் 1 மணியளவில் வீடு திரும்பிய போது பூட்டியிருந்த வீட்டின் முன் கதவு மற்றும் அறைக் கதவு உடைத்ததுடன் அறையில் இருந்த அலுமாரியை உடைத்து அங்கிருந்த 6 இலட்சம் ரூபா பணம் மற்றும் 22 இலட்சம் ரூபா பெறுமதியான தங்க ஆபரணங்கள் கொள்ளையிடப்பட்டுள்ளதாக பொலிஸாருக்கு தெரிவித்தார்.
இதனையடுத்து தீவிர விசாரணைகளை மேற்கொண்டு வருவதாக பொலிஸார் தெரிவித்தனர்.
———————
Reported by : Sisil.L
