சர்வதேச நாணய நிதியத்தின் (IMF) ஊழியர்கள் இம்மாதம் 24 முதல் 31ஆம் திகதிகளுக்கிடையில் இலங்கைக்கு விஜயம் செய்ய திட்டமிட்டுள்ளதாக அந்நிதியம் தெரிவித்துள்ளது.
சர்வதேச நாணய நிதியத்தின் சிரேஷ்ட தூதரகத் தலைவர் பீட்டர் ப்ரூயர் மற்றும் இலங்கைக்கான சர்வதேச நாணய நிதியத்தின் தலைவர் மசாஹிரோ நோசாகி ஆகியோர் குழுவை வழிநடத்துவார்கள்.
குறித்த விஜயத்தின் போது, நாணய நிதிய ஊழியர்கள் இலங்கை அதிகாரிகளுடன் பொருளாதார மற்றும் நிதி சீர்திருத்தங்கள் மற்றும் கொள்கைகள் பற்றிய கலந்துரையாடலைத் தொடரத் திட்டமிட்டுள்ளனர்.
“இலங்கையின் பொதுக் கடன் நீடிக்க முடியாதது என மதிப்பிடப்படுவதால், EFF திட்டத்தின் சர்வதேச நாணய நிதியத்தின் நிறைவேற்று சபையின் ஒப்புதலுக்கு, கடன் நிலைத்தன்மையை மீட்டெடுக்கும் என இலங்கையின் கடனாளிகளால் போதுமான உத்தரவாதம் தேவைப்படும் என சர்வதேச நாணய நிதியம் தெரிவித்துள்ளது.
———-
Reported by :Maria.S