காத்தான்குடி பொலிஸ் பிரிவிற்குட்பட்ட பகுதிகளில் வீடுகளை உடைத்து திருட்டு சம்பவங்களில் ஈடுபட்டு வந்த மூவரை காத்தான்குடி பொலிஸார் கைது செய்துள்ளனர்.
காத்தான்குடி, ஆரையம்பதி மற்றும் கல்லடி ஆகிய பகுதிகளில் குறித்த சந்தேகநபர்கள் கொள்ளைச் சம்பவங்களில் ஈடுபட்டு வந்துள்ளனர்.
28, 26 மற்றும் 24 வயதுடைய சந்தேகநபர்களே இவ்வாறு கைது செய்யப்பட்டுள்ளனர்.
கைது செய்யப்பட்ட சந்தேகநபர்களிடமிருந்து 02 மோட்டார் சைக்கிள்கள், ஒரு துவிச்சக்கர வண்டி, 03 எரிவாயு சிலிண்டர்கள் மற்றும் தங்க நகைகள் என்பன கைப்பற்றப்பட்டுள்ளன.
இதேவேளை, திருட்டுச் சம்பவத்துடன் தொடர்புடைய 03 சந்தேக நபர்களுடனும் தொடர்புடைய மேலும் ஒரு சந்தேகநபரை தேடிவருவதாக காத்தான்குடி பொலிஸார் தெரிவித்துள்ளனர்.
Reported by :Maria.S