கனடாவில் கடந்த திங்கட்கிழமை பெய்த பலமான ஆலங்கட்டி மழை, கார் கண்ணாடிகளை உடைத்து பயணிகளை அதிர வைத்துள்ளது.
கனடாவின் மேற்கு மாகாணமான அல்பர்ட்டாவை சூறாவளி தாக்கியதை அடுத்து இந்தப் பயங்கரமான ஆலங்கட்டி மழை பொழிந்தது.
இந்த மழை சுமார் 10 முதல் 15 நிமிடங்கள் நீடித்ததாகவும், சுமார் 34 வாகனங்கள் இதனால் சேதமடைந்ததாகவும் தி ராயல் கனடியன் மவுண்டட் பொலீஸார் (RCMP) தெரிவித்தனர். பலருக்கு சிறிய காயங்களும் ஏற்பட்டன என்றும் தெரிவிக்கப்பட்டுள்ளது.
எல்லாக் கட்டிகளும் திராட்சைப் பழ அளவு முதல் கிரிக்கெட் பந்து அளவு வரை இருந்ததாகவும், அரிதாக ஒரு மூன்று இடங்களில் பேஸ்பால் அளவிலான ஆலங்கட்டி கற்கள் விழுந்து கொஞ்சம் பெரிய சேதத்தை ஏற்படுத்தியுள்ளன என்றும் தெரிவிக்கப் பட்டுள்ளது.
புயலைத் தொடர்ந்து பலர் தங்கள் கார்களின் மேல் ஆலங்கட்டி கற்கள் விழுந்து சேதமடைந்த படங்களை சமூக ஊடகங்களில் பகிர்ந்து கொண்டனர்.
காலநிலை மாற்றம் காரணமாக இது போன்ற அபாயகரமான ஆலங்கட்டி மழைகளை வருங்காலத்தில் இன்னும் நிறைய எதிர்பார்க்க நேரிடலாம் என்று நிபுணர்கள் எச்சரிக்கை விடுத்துள்ளமை குறிப்பிடத்தக்கது.
—————-
Reported by :Maria.S
