கனடாவில் காணாமல் போன தம்பதியரைத் தேடும் பொலிஸார்

கனடாவின், ரொறன்டோ பகுதியில் சில தினங்களுக்கு முன்பு காணாமல் போனதாகக் கூறப்படும் இருவரை பொலிஸார் தீவிரமாகத் தேடி வருகின்றனர்.

 
ஒன்ராறியோ மாகாணத்திலுள்ள Markham நகரத்தைச் சேர்ந்த தம்பதியான Quoc Tran (வயது 37) மற்றும் Kristy Nguyen (வயது 25) ஆகிய இருவரும் கடந்த செப்டெம்பர் 18ஆம் திகதி காணாமல் போயுள்ளதாகக் கூறப்படுகிறது.

 
இது தொடர்பில் பொலிஸார் வெளியிட்டிருந்த தகவலின்படி இவர்கள் கடந்த செப்டெம்பர் 18ஆம் திகதி மாலை 4.30 மணியளவில் Highway 7 East and Warden Avenue பகுதியில் காணப்பட்டுள்ளதாகத் தெரிவிக்கப்பட்டிருந்தது.

 
இதனைத் தொடர்ந்து நேற்று முன் தினம் பொலிஸாரின் தகவலில் இவர்கள் கடைசியாக மாலை 5.30 மணியளவில் Vaughanஇல் உள்ள Zenway Boulevard வணிக வளாகத்தில் காணப்பட்டுள்ளதாக சுட்டிக்காட்டப்பட்டுள்ளது.

 
மேலும் இது தொடர்பில் தொடர் விசாரணையை முன்னெடுத்து வரும் பொலிஸார் காணாமல்போன இருவரும் கொலை செய்யப்பட்டிருக்கலாம் எனச் சந்தேகம் வெளியிட்டுள்ளனர்.
————-
Reported by : Sisil.L