இலங்கையில் கொரோனா வைரஸ் தொற்றால் மரணமடைந்தவர்களின் எண்ணிக்கை 9 ஆயிரத்தைக் கடந்துள்ளது. கொரோனாத் தொற்றால் நேற்று முன்தினம் 194 பேர் உயிரிழந்தனர் என்று அரச தகவல் திணைக்களம் அறிவித்துள்ளது. இதன்படி நாட்டில் பதிவான கொரோனா மரணங்களின் மொத்த எண்ணிக்கை 9 ஆயிரத்து 185 ஆக அதிகரித்துள்ளது.
நேற்று முன்தினம் உயிரிழந்தவர்களில் 94 பெண்களும், 100 ஆண்களும் உள்ளடங்குகின்றனர். இதில் ஆண்கள் இருவரும், பெண் ஒருவரும் என 03 பேர் 30 வயதுக்குட்பட்டவர்களாவர். 31 ஆண்கள், 14 பெண்கள் என 45 பேர் 30 – 59 வயதுக்கு இடைப்பட்டவர்களாவர். 146 பேர் 60 வயதுக்கு மேற்பட்டவர்களாவர். இதில் 67 ஆண்களும், 79 பெண்களும் அடங்குகின்றனர்.
——————
Reported by : Sisil.L