யுக்திய சுற்றிவளைப்பின் போது குற்றவியல் விசாரணை பிரிவினருக்கு அனுப்பப்பட்டுள்ள பட்டியலில் பெயரிடப்பட்டுள்ள 7,494 பேர் கைது செய்யப்பட்டுள்ளனர்.
யுக்திய சுற்றிவளைப்பு ஆரம்பிக்கப்பட்ட காலப்பகுதியில் இருந்து இதுவரை குறித்த சந்தேகநபர்கள் கைது செய்யப்பட்டுள்ளதாக பொலிஸார் குறிப்பிட்டனர்.
44,794 பேரின் பெயர்ப்பட்டியல் நாட்டின் அனைத்து பொலிஸ் பிராந்தியங்களுக்கும் பொறுப்பான சிரேஷ்ட பொலிஸ் அத்தியட்சகர்களுக்கு அனுப்பி வைக்கப்பட்டுள்ளது.
இதங்கமைய, போதைப்பொருள் குற்றங்கள் தொடர்பில் திறந்த பிடியாணை பிறப்பிக்கப்பட்டுள்ள 4,088 பேரில் 1191 பேர் கைது செய்யப்பட்டுள்ளனர்.
ஏனைய குற்றங்கள் தொடர்பில் திறந்த பிடியாணை பிறப்பிக்கப்பட்டுள்ள 33,936 பேரில் 5,708 பேரும் கைது செய்யப்பட்டுள்ளனர்.
Reported by:S.Kumara
