இலங்கையின் வடக்கு மற்றும் கிழக்கு மாகாணங்களில் தொடர்ச்சியாக பௌத்த மயமாக்கல் இடம்பெற்று வருவதாக தமிழர் தரப்பு தொடர்ச்சியாக குற்றச்சாட்டுக்களை முன்வைத்து வருகின்றது.
இதன்படி, வவுனியா மாவட்டத்தின் வெடுக்குநாறி பகுதியிலுள்ள ஆதிலிங்கேஸ்வரர் ஆலயத்தின் சிலைகள் இடித்தொழிக்கப்பட்டதாக அண்மையில் கூறப்பட்டு, பாரிய போராட்டங்கள் நடத்தப்பட்ட நிலையில், குறித்த பகுதியில் மீண்டும் சிலைகள் பிரதிஷ்டை செய்யப்பட்டிருந்தன.
இந்தியா மற்றும் இலங்கை எல்லையிலுள்ள கச்சத்தீவில் புத்தர் சிலையொன்று பிரதிஷ்டை செய்யப்பட்ட பின்னணியில், அதற்கு பாரிய எதிர்ப்புக்கள் இரு நாட்டிலிருந்தும் எழுந்திருந்தன.
இந்த பிரச்னை வலுப் பெற்ற நிலையில், குறித்த ‘நிலை’ அகற்றப்பட்டதாக அரசாங்கம் அறிவித்திருந்தது.
இதேபோன்று, இலங்கையின் பிரசித்தி பெற்ற கீரிமலை பகுதியிலுள்ள சிவன் ஆலயமொன்று உடைக்கப்பட்டு, அந்த இடத்தில் ஜனாதிபதி மாளிகை கட்டப்பட்டதாக கூறப்படும் சம்பவமும் அண்மையில் இடம்பெற்றிருந்தது.
இவ்வாறு கடந்த சில மாதங்களாகவே சிங்கள பௌத்தர்கள் வடக்கு மற்றும் கிழக்கு பகுதிகளில் தமது அடையாளங்களை ஸ்தாபித்து வருவதாக குற்றச்சாட்டுக்கள் முன்வைக்கப்பட்டன.
REPORTED BY :MARIA.S
