இன்று அதிகாலை இராணுவ ஜெட் விமானத்தில் ஜனாதிபதி கோத்தபாய ராஜபக்ஷவும் அவரது பாரியாரும் மாலைதீவு தலைநகர் மாலேவுக்கு சென்றுள்ளதாகத் தெரிவிக்கப்படுகிறது.
இதேவேளை ஜனாதிபதி கோட்டாபய ராஜபக்ஷவுக்கு இன்று (13) அதிகாலை விமானம் வழங்கப்பட்டுள்ளதாக இலங்கை விமானப்படை தெரிவித்துள்ளது.
அதன்படி, ஜனாதிபதி மற்றும் அவரது மனைவி இரண்டு மெய்ப்பாதுகாவலர்களுடன் இந்த விமானத்தில் மாலைதீவுக்குச் சென்றுள்ளனர்.
மேலும் மாலைதீவுக்கு பயணமாகியுள்ள ஜனாதிபதி கோட்டாபய ராஜபக்ஷ இன்று சிங்கப்பூர் செல்ல தீர்மானித்துள்ளதாவும், அதன் பின்னர் இன்று இரவு அபுதாபி செல்ல உள்ளதாகவும் தகவல்கள் வெளியாகியுள்ளன. தனது ஜனாதிபதி பதவி இராஜினாமா கடிதத்தை கோட்டாபய ராஜபக்ச சபாநாயகருக்கு அனுப்பாத நிலையில் இன்று இரவு இராஜினாமா கடிதம் அனுப்பப்படும் என்றும் கூறப்படுகிறது.
——————
Reported by :Maria.S
