கனடாவில் கல்லூரி மாணவர் ஒருவர் விபத்தில் உயிரிழந்த நிலையில் அவர் மறைவுக்கு துக்கம் அனுஷ்டிக்கும் வகையில் மாணவர் கல்வி கற்று வந்த பல்கலைக்கழகத்தில் அஞ்சலி நிகழ்வு இடம்பெறவுள்ளது.
ரொறன்ரோவைச் சேர்ந்த கீன் மெக்கன்சி என்ற 18 வயது மாணவர் University of Guelphல் முதலாமாண்டு பட்டப்படிப்பு படித்து வந்தார். இந்த நிலையில் கடந்த மாதம் 26ஆம் திகதி இடம்பெற்ற வாகன விபத்தில் மொத்தம் 8 பேர் காயமடைந்தனர்.
இதில் காயமடைந்த அனைவரும் மருத்துவமனையில் சேர்க்கப்பட்டனர். இதில் மெக்கன்சி சிகிச்சை பலனின்றி அண்மையில் உயிரிழந்தார்.
இந்த நிலையில் மெக்கன்சி நினைவாக அவருக்கு துக்கம் அனுஷ்டிக்கும் வகையில் இன்று வளாகக் கொடிகள் கீழே இறக்கப்படும் என்று Guelph பல்கலைக்கழகம் தெரிவித்துள்ளது. மேலும் உயிரிழந்த மாணவரின் நினைவாக அஞ்சலி நிகழ்வும் நடைபெறவுள்ளது.
—————
Reported by : Sisil.L