முல்லைத்தீவு மாவட்டத்தின் புதுக்குடியிருப்பு பொலிஸ்
பிரிவுக்குட்பட்ட இரணைப்பாலை பகுதியில் நேற்று மாலை
இடம்பெற்ற குண்டு வெடிப்புச் சம்பவத்தில் வயோதிபப் பெண்
ணொருவர் படுகாயமடைந்துள்ளார். அவர் புதுக்குடி யிருப்பு வைத்தியசாலையில் சேர்க்கப்பட்டுள்ளார். காணியில் இருந்த குப்பைகளைக் கூட்டி நெருப்பு வைத்தபோது அதிலிருந்த குண்டு வெடித்ததில் குறித்து அனர்த்தம் இடம்பெற்றுள்ளது.அம்மன் கோயில் வீதி, 5ஆம் வட்டாரம் , இரணைப்பாலை, புதுக்குடியிருப்பு பகுதியில் வசித்துவரும் 64 வயதுடைய இந்திரன் மரியரெத்தினம் எனும் பெண்ணே படுகாயமடைந்த நிலையில் புதுக்குடியிருப்பு ஆதார வைத்தியசாலையில் சேர்க்கப்பட்டுள்ளார்.
சம்பவ இடத்துக்குச் சென்ற புதுக்குடியிருப்புப் பொலிஸார் மேலதிக விசாரணைகளை மேற்கொண்டனர்.
குறித்த பகுதியில் வேறு வெடிபொருட்கள் இருக்கின்றனவா என்பது தொடர்பிலும் அவர்கள் ஆராய்ந்தனர்.
———————
Reported by : Sisil.L
