டீசல் ஏற்றிய கப்பல் ஒன்று இன்று (02) நாட்டை வந்தடைந்துள்ளது.
கப்பலில் கொண்டு வரப்பட்ட டீசலின் அளவு 40,000 மெட்ரிக் தொன் எனத் தெரிவிக்கப்படுகிறது.
இந்தக் கப்பல் இந்திய கடனுதவியுடன் இலங்கைக்கு கிடைத்துள்ளதாகத் தெரிவிக்கப்படுகின்றது.
அதன்படி இன்று பிற்பகல் முதல் இந்த டீசலை நாடளாவிய ரீதியில் அனைத்துப் பகுதிகளுக்கும் விநியோகிக்க நடவடிக்கை எடுக்கப்படும் என இலங்கை பெற்றோலிய கூட்டுத்தாபனத்தின் தலைவர் தெரிவித்தார்.
நாட்டில் நிலவும் கடும் எரிபொருள் தட்டுப்பாடு காரணமாக தினசரி மின்வெட்டு 10 மணி நேரத்தை தாண்டியுள்ளது.
எரிபொருள் நெருக்கடி காரணமாக நாடு முழுவதும் வரிசைகள் காணப்படுவதுடன், எரிபொருளை வழங்குமாறு கோரி பாரிய போராட்டங்களும் இடம்பெற்று வருகின்றன.
————-
Reported by : Sisil.L
