19ஆம் திகதி முதல் இங்கிலாந்தில் முகக்கவசம் தேவையில்லை

இங்கிலாந்தில் தடுப்பூசி போடும் திட்டம் வெற்றி பெற்றுள்ளது. எனவே கட்டுப்பாடுகள் நீக்கப்படவுள்ளன.

கொரோனா  பரவலால் அதிக உயிர்சேதத்தை சந்தித்த நாடுகளில் இங்கிலாந்தும் ஒன்று. கடுமையான கட்டுப்பாடுகள், தடுப்பூசி போடுவதை அதிகரித்தது உள்ளிட்ட பல்வேறு நடவடிக்கைகள் காரணமாக இங்கு கொரோனா பரவல் குறைக்கப்பட்டுள்ளது. இதையடுத்து தளர்வுகள் அதிகரிக்கப்பட்டுள்ளன.

தற்போது  முகக் கவசம்  அணிவது கட்டாயமாக உள்ளது. விரைவில் இந்தக் கட்டுப்பாடு அகற்றப்படுகிறது. இது குறித்து இங்கிலாந்து வீட்டு வசதித்துறை அமைச்சர் ரொபர்ட் ஜென்ரிக் கூறியதாவது:-

வரும் 19ஆம் திகதி முதல் கொரோனா கட்டுப்பாடுகளை சட்டபூர்வமாக நீக்கத் தயாராகி வருகிறோம். அதன் பிறகு யாரும் முகக்கவசம் அணியத் தேவை இருக்காது. இங்கிலாந்தில் தடுப்பூசி போடும் திட்டம் வெற்றி பெற்றுள்ளது. எனவே கட்டுப்பாடுகள் நீக்கப்பட உள்ளன என்றார்.
————————–

Reported by : Sisil.L