ஜனாதிபதி ரணில் விக்கிரமசிங்கவின் பணிப்புரைக்கு அமைய உள்நாட்டு வெளிநாட்டு சுற்றுலா பயணிகளை கவரும் வகையில் கிழக்கு மாகாண அபிவிருத்தி ஆரம்பிக்கப்பட்டுள்ளதாக ஆளும் கட்சியின் பிரதம அமைப்பாளர் பிரசன்ன ரணதுங்க தெரிவித்துள்ளார்.
அரசாங்கம் மிகவும் வலுவாக உரிய இலக்குகளை நோக்கி நகர்ந்து வருவதாகவும் அமைச்சர் வலியுறுத்தினார்.
அண்மையில் 01 ஆம் திகதி இடம்பெற்ற “உங்களுக்கு வீடு – நாட்டுக்கு எதிர்காலம்” வீட்டுத்திட்டத்தின் கீழ் அம்பாறை மாவட்டத்தில் உள்ள வீட்டுப் பயனாளிகளுக்கு வீட்டு உறுதிப் பத்திரம் மற்றும் வீட்டுக் கடன் வழங்கும் நிகழ்வில் கலந்து கொண்டு அமைச்சர் பிரசன்ன ரணதுங்க மேற்கண்டவாறு தெரிவித்தார்.
தேசிய வீடமைப்பு அபிவிருத்தி அதிகார சபையின் ஏற்பாட்டில் அம்பாறை மாவட்ட செயலகத்தில் இந்த நிகழ்வு இடம்பெற்றது.
51 பயனாளிகளுக்கு 18.25 மில்லியன் ரூபா பெறுமதியான வீடமைப்புக் கடனுதவியும், அம்பாறை மாவட்டத்தில் 15 வீடமைப்புத் திட்டங்களை உள்ளடக்கிய 110 பயனாளிகளுக்கு வீட்டு உரிமைப் பத்திரம் வழங்கும் நிகழ்வும் அமைச்சர் பிரசன்ன ரணதுங்க தலைமையில் இடம்பெற்றது.
அமைச்சர் அங்கு மேலும் கூறியதாவது,
அனைவருக்கும் வீடு வழங்கும் நோக்கில் தேசிய வீடமைப்பு அபிவிருத்தி அதிகார சபை அப்போது ஆரம்பிக்கப்பட்டது.
இந்த நிறுவனம் மூலம் நாடு முழுவதும் ஒரு பெரிய வேலைத்திட்டம் செயல்படுத்தப்பட்டது. துரதிர்ஷ்டவசமாக, கோவிட் தொற்றுநோய் மற்றும் பொருளாதார நெருக்கடி வந்தது.
அதனால், எதிர்பார்த்த இலக்குகளை எட்ட முடியவில்லை. இன்று இந்த நிறுவனம் குறைந்தளவிலான வளங்களைப் பயன்படுத்தி மக்களுக்கு அதிகபட்ச சேவையை வழங்கியுள்ளது.ஜனாதிபதியின் பணிப்புரைக்கு அமைவாக கிழக்கு மாகாண அபிவிருத்தியை ஆரம்பித்துள்ளோம். அதற்காக அவர் இந்த மாகாணத்துக்கு வந்து நகரங்களின் அபிவிருத்தி குறித்து நேரில் ஆய்வு செய்து எங்களுக்கு ஆலோசனைகளை வழங்கினார்.
நகர அபிவிருத்தித் திட்டங்களைத் தயாரிக்கும் போது, தேசிய வேலைத்திட்டத்துடன் செய்யப்பட வேண்டுமென நான் நகர அபிவிருத்தி அதிகார சபைக்கு ஆலோசனை வழங்கினேன்.
வெளிநாடுகளை கவரும் வகையில் கிழக்கு மாகாணத்தை அபிவிருத்தி செய்வதற்கு தேவையான பின்னணி தற்போது தயாரிக்கப்பட்டு வருகின்றது.
அத்துடன் அரச காணிகளில் வசிக்கும் அனைவருக்கும் காணி அனுமதிப்பத்திரம் வழங்குமாறும் ஜனாதிபதி எமக்கு ஆலோசனை வழங்கினார்.
அதற்கு தேவையான பணிகளை தற்போது செய்து வருகிறோம். இன்று அரசாங்கம் அந்த செயற்பாடுகளை வலுவாக முன்னெடுத்து வருகின்றது. நாம் அந்தந்த இலக்குகளை நோக்கி நகர்கிறோம்.
நகர அபிவிருத்தி மற்றும் வீடமைப்பு இராஜாங்க அமைச்சர் தேனுக விதானகமகே பின்வருமாறு தெரிவித்தார்.
2020 ஆம் ஆண்டில், இந்த நிறுவனம் குறைந்த வருமானம் கொண்ட குடும்பங்களுக்கு நாட்டில் உள்ள அனைத்து 14,022 கிராம சேவைப் பகுதிகளையும் உள்ளடக்கும் வகையில் வீடுகளைக் கட்டத் தொடங்கியது.
ஆனால் கோவிட் மற்றும் அரசியல் நெருக்கடியால், அந்த நடவடிக்கைகள் சிறிது தடைபட்டன. தற்போது அந்த நடவடிக்கைகளை மீண்டும் தொடங்கியுள்ளோம்.அந்தத் திட்டம் மிகவும் வெற்றிகரமாக நடந்து வருகிறது. தேசிய வீடமைப்பு அபிவிருத்தி அதிகார சபையின் ஊடாக மாவட்ட மட்டத்தில் நாட்டு மக்களின் பிரச்சினைகளுக்கு தீர்வு காண்பதே எமது அடுத்த இலக்காகும். மேலும் எதிர்வரும் காலங்களில் வீடமைப்பு உதவிகள் போன்று காணி உறுதிப்பத்திரங்களை வழங்குவதற்கும் நாங்கள் செயற்பட்டு வருகின்றோம்.
தேசிய வீடமைப்பு அபிவிருத்தி அதிகார சபையின் தலைவர் ரஜீவ் சூரியாராச்சி பின்வருமாறு தெரிவித்தார்.
தேசிய வீடமைப்பு அபிவிருத்தி அதிகார சபையானது நாட்டில் பெரும் பங்காற்றிய ஒரு நிறுவனமாகும். தலைக்கு நிழல் தரும் வேலைத்திட்டம் எமது நிறுவனத்தினால் முன்னெடுக்கப்படுகிறது.
ஜனாதிபதி ஆர். பிரேமதாச காலத்திலிருந்து இன்று வரையிலான பயணத்தின் போது பெருமளவிலான மக்கள் பயனடைந்த நிறுவனம் இதுவாகும்.
ஆனால் உங்களுக்கு தெரியும், 2020 இல் நாட்டில் ஒரு கோவிட் தொற்றுநோய் மற்றும் பொருளாதார நெருக்கடி இருந்தது. இதனால் திறைசேரி வெறுமையானது. மக்களின் அன்றாட வாழ்க்கை முடங்கியது.அரசின் வருமானம் குறைந்தது. இதனால், பட்ஜெட்டில் அமைச்சுக்களுக்கு ஒதுக்கப்பட்ட பணம் குறைந்தது. யுத்த காலத்தில் வீடமைப்பு அமைச்சும் செயற்பட்டது.
போருக்கான பணத்தை ஒதுக்குவதே அப்போது நாட்டின் முன்னுரிமையாக இருந்தது. பாதுகாப்பு அமைச்சுக்கு மேல் பணம் ஒதுக்கப்பட்டபோது, கல்வி, சுகாதாரம், நெடுஞ்சாலைகளுக்குப் பிறகு வீடமைப்புக்கும் பணம் ஒதுக்கப்பட்டது.
பிரசன்ன ரணதுங்க வீடமைப்பு அமைச்சராகப் பதவியேற்ற போது, அரச வருமானம் குறைந்து திறைசேரியில் இருந்து பணம் ஒதுக்கப்படாமல் இருந்த வேளையில் இந்த நிறுவனத்தை நாங்கள் பொறுப்பேற்றோம். அந்தச் சவாலை அமைச்சர் ஏற்றுக்கொண்டார்.
கிடைக்கும் வருமானத்தை நிர்வகித்து நிறுவனத்தை உருவாக்கி நாட்டு மக்களுக்கு சேவை செய்ய வேண்டும் என்று அறிவுறுத்தினார்.
இந்த நிறுவனத்தை நாங்கள் பொறுப்பேற்றபோது, சம்பளம் கொடுக்க போதிய வருமானம் இல்லை. வீட்டுக்கடன் கொடுக்கும் நிலையில் நாம் இல்லை. அமைச்சரின் சரியான தலைமைத்துவத்தினால் நாம் அந்த சவாலை முறியடித்தோம்.
நாங்கள் 10 பில்லியனுக்கும் அதிகமான வீட்டுக் கடன்களை வழங்கியுள்ளோம். அவர்களில் சுமார் 5 பில்லியன்கள் மறுசீரமைக்கப்படாத நிலையில் உள்ளன.
ஒரு திட்டத்தின்படி தொகையை வசூலிக்கும் திட்டம் தொடங்கப்பட்டது. மாதாந்தம் 150 மில்லியன் ரூபாவாக இருந்த கடன் மீளப்பெறும் வருமானத்தை இன்று சுமார் 400 மில்லியன் ரூபாவாக கொண்டு வந்துள்ளோம்.
இன்று நாங்கள் வீட்டுக் கடன் மற்றும் மானியங்களைத் திரும்பக் கொடுக்க ஆரம்பித்துள்ளோம். அரசின் திறைசேரிக்கு நாங்கள் சுமையாக மாறவில்லை.புதிய அமைச்சர் பதவியேற்ற பிறகு, பழைய பணிகளை நிறுத்திவிட்டு புதிய திட்டங்கள் தொடங்குவதுதான் வழக்கம். ஆனால் புதிய திட்டங்களை தொடங்க வேண்டாம் என எங்களுக்கு அமைச்சர் அறிவுறுத்தினார். கட்சி, நிறங்கள், அரசியல் பார்க்க வேண்டாம் என்றார்.
முன்னதாக தொடங்கப்பட்ட அனைத்து பணிகளிலும் எஞ்சிய தவணை தொகையை மக்களுக்கு வழங்குமாறு தெரிவிக்கப்பட்டது. அதன்படி தற்போது அது தொடர்பான நடவடிக்கைகளை மேற்கொண்டு வருகின்றோம்.
இன்று, தேசிய வீடமைப்பு அபிவிருத்தி அதிகார சபை நாடு முழுவதும் வீட்டுக்கடன் மற்றும் உதவிகளை வழங்கி வருகிறது. அம்பாறை மாவட்ட பாராளுமன்ற உறுப்பினர்களான விமலவீர திஸாநாயக்க, டபிள்யூ. டி.வீரசிங்க, ஏ. எல். எம்.அதாவுல்லா, எஸ்.எம்.எஸ்.முஷர்ரப் உள்ளிட்டோர் இந்நிகழ்வில் கலந்துகொண்டனர்.
Reported by :S.Kumara
