யாழ்ப்பாணம் பண்டத்தரிப்பு பகுதியில் சாமிப் படத்துக்கு வி ள க் கே ற் றி ய தீ க் கு ச் சியை எறிந்த போது அறையில் வைத்திருந்த பெற்றோல் மீது அது பட்டுத் திடீரென தீப்பற்றியதில்
17 வயது மாணவி உடல் கருகி உயிரிழந்துள்ளார்.
தெல்லிப்பழை மகாஜனாக் கல்லூரியில் கல்வி பயிலும் சுதர்சன் சுதர்சிகா என்னும் 17 வயது மாணவியே இவ்வாறு உயிரிழந்துள்ளார்.இந்தச் சம்பவம் நேற்று(2) மாலை இடம்பெற்றுள்ளது.
நாட்டில் நிலவும் எரிபொருள் தட்டுப்பாடு காரணமாக வாங்கிச் சேமிக்கப்பட்ட பெற்றோல் நிரப்பிய கேன்கள் சாமி அறையில் வைக்கப்பட்டிருந்ததாகவும் வழக்கம் போல் அந்த மாணவி சாமி அறையில் விளக்கேற்றி விட்டு தீக்குச்சியை கீழே வீசியுள்ளார். அதிலிருந்து பறந்த தீப்பொறி பெற்றோல் மீது பட்டு வீடு தீப்பற்றி எரிந்துள்ளது.
சம்பவம் தொடர்பில் பொலிஸார் மேலதிக விசாரணைகளை மேற்கொண்டு வருகின்றனர்.
—————————–
Reported by : Sisil.L