புத்தளம் கற்பிட்டி பகுதியிலிருந்து இயந்திரப் படகு ஒன்றில் மீன்பிடிக்கச் சென்ற 3 மீனவர்கள் நேற்று மாலை கரை திரும்பவில்லை என்று அவர்களின் குடும்பத்தினர் தெரிவித்தனர்.
இந்த மீனவர்கள் கடந்த 9ஆம் திகதி வெள்ளிக்கிழமை கற்பிட்டியிலிருந்து படகில் மீன் பிடிக்கச் சென்றனர். இந்த நிலையில் 10 நாட்களாக எந்தத் தொடர்பும் இல்லை என்று அவர்களின் குடும்பத்தினர் தெரிவித்தனர். கற்பிட்டி வன்னிமுந்தல் பகுதியைச் சேர்ந்த எம். எஸ். முஹம்மட்
அலிகான் (வயது 26), முஹம்மட் நபீல் (வயது 45) மற்றும் கற்பிட்டி மணல்தோட்டம் பகுதியைச் சேர்ந்த நிசங்க (வயது 21) ஆகியோரே இவ்வாறு காணாமல் போயினர்.
காணாமல் போனவர்கள் குறித்து கற்பிட்டி பொலிஸ் நிலையத்தில் முறைப்பாடு செய்யப்பட்டுள்ளது. அத்துடன், கற்பிட்டி கடற்படை முகாமிலும் உதவி கோரப்பட்
டுள்ளதுடன் கற்பிட்டி மீனவர்கள், பொதுமக்கள் ஆகியோரின் உதவியுடன் காணாமல் போன மூன்று மீனவர்களையும் தேடி வருவதாகவும் உறவினர்கள் தெரிவித்தனர்.
இதேவேளை, குறித்த மீனவர்கள் பயணித்தனரெனக் கூறப்படும் 7088 இலக்கமுடைய இயந்திரப்படகு ஒன்று மன்னார் மாவட்டத் தின் பியர் பிரதேசத்திலுள்ள தீடைத் தீவுப் பகுதியில் ஒதுங்கியுள்ளதாக மன்னார் பொலிஸ் ஊடாக தகவல் தெரிவிக்கப்பட்டுள்ளது.
எனினும், படகு மாத்திரமே இவ்வாறு கரையொதுங்கியுள்ளது
எனவும் மீனவர்கள் தொடர்பில் தகவல் எதுவும் கிடைக்கவில்லை என்றும் உறவினர்கள் மேலும் குறிப்பிட்டனர். இந்தத் தகவல் கற்பிட்டி மக்களை சோகத்தில் ஆழ்த்தியுள்ளது.
—————
Reported by : Sisil.L
