புளொக்கற்கள் விழுந்ததால் வாடகை வாகனத்தின் சாரதி ஒருவர் பரிதாபகரமாக உயிரிழந்த சம்பவம் ஒன்று நேற்று வெள்ளவத்தைப் பிரதேசத்தில் இடம்பெற்றுள்ளது. வெள்ளவத்தை, சுவிசுத்தாராம பிரதேசத்தில் நிர்மாணிக்கப்பட்டு வரும் கட்டட மொன்றிலிருந்து ஒரு தொகை புளொக்கற்கள் கார் ஒன்றின் மீது விழுந்ததில் காருக்குள் இருந்த நபர் உயிரிழந்துள்ளார் என்று வெள்ளவத்தைப் பொலிஸார் தெரிவித்துள்ளனர். காரின் சாரதி காரைத் திருப்புவதற்கு முயற்சித்தபோதே இந்த அனர்த்தத்தை எதிர்கொண்டார்.கடும் காற்றுக் காரணமாக குறித்த கட்டடத்தின் மதில் சுவர் சரிந்ததில் அதிலிருந்த புளொக்கற்கள் காரின் மீதுவிழுந்துள்ளன.
இந்தச் சம்பவத்தில் கடுவெல கொரத்தொட்ட பிரதேசத்தைச் சேர்ந்த 52 வயதுடைய நபர் உயிரிழந்துள்ளார்.
சம்பவம் தொடர்பில் மேலதிக விசாரணைகளை வெள்ளவத்தைப் பொலிஸார் மேற்கொண்டு வருகின்றனர்.
———————
Reported by : Sisil.L
