காலி – பட்டபொல, பட்டதூவ பகுதியில் கூரிய ஆயுதத்தினால் தாக்கப்பட்டு ஒருவர் கொலை செய்யப்பட்டமை தொடர்பில் சந்தேகத்தின் பேரில் மூவர் கைது செய்யப்பட்டுள்ளனர்.
கடந்த மாதம் 23 ஆம் திகதி இரவு உணவகமொன்றில் இடம்பெற்ற தாக்குதல் சம்பவத்தில் பட்டதூவ, கொபெய்துடுவ பகுதியைச் சேர்ந்த 37 வயதான ஒருவர் உயிரிழந்தார்.
மதுபானம் அருந்திக்கொண்டிருந்த இரு குழுக்களுக்கிடையில் ஏற்பட்ட மோதலை சமரசம் செய்வதற்காக குறித்த நபர் முற்பட்டதாக பொலிஸார் தெரிவித்தனர்.
பின்னர் பாதுகாப்பு தலைக்கவசம் அணிந்து குறித்த இடத்திற்கு வந்த இருவர் அவரை கூரிய ஆயுதத்தினால் தாக்கிவிட்டு தப்பிச் சென்றுள்ளனர்.
சம்பவம் தொடர்பில் சந்தேகத்தின் பேரில் கைது செய்யப்பட்ட நபரொருவரின் தொலைபேசி பதிவுகளை ஆராய்ந்ததன் பின்னர் மேலும் இரு சந்தேகநபர்கள் கைது செய்யப்பட்டுள்ளதாக பொலிஸார் தெரிவித்தனர்.
குறித்த சந்தேகநபர்கள் குளீகொட, கலகொட மற்றும் இடம்தொட்ட ஆகிய பகுதிகளைச் சேர்ந்தவர்களாவர்.
கொலைக்கு பயன்படுத்தப்பட்ட கூரிய ஆயுதங்கள் மற்றும் மோட்டார் சைக்கிள் என்பன பொலிஸாரினால் கண்டுபிடிக்கப்பட்டுள்ளன.
Reported by :S.Kumara
