தெற்கு தாய்லாந்தில் இன்று 17 இடங்களில் குண்டு வெடிப்புகள் மற்றும் தீ விபத்துகள் ஏற்பட்டுள்ளதாக உள்ளூர் ஊடகங்கள் செய்தி வெளியிட்டுள்ளன.
தாய்லாந்தின் பாதுகாப்புப் படைகள் வெளியிட்டுள்ள அறிவிப்பில், இன்று அதிகாலையில் குண்டு வெடிப்பு மற்றும் தீ வைப்புச் சம்பவங்கள் நிகழ்ந்ததாகவும், சம்பவங்கள் ஒன்றோடொன்று தொடர்புடையவை என்றும் கூறுகிறது.
இந்தத் தாக்குதல்களின் இலக்குகள் பல்பொருள் அங்காடிகள் மற்றும் எரிபொருள் நிரப்பு நிலையங்கள் ஆகும். சம்பவங்களில் 07 பேர் சிறு காயங்களுக்கு உள்ளாகியுள்ளதாக தெரிவிக்கப்படுகின்றது.
இந்தத் தாக்குதல்களுக்கு இதுவரை எந்த நபரோ அல்லது அமைப்புகளோ பொறுப்பேற்கவில்லை என்றும், அந்நாட்டின் பாதுகாப்புப் படையினர் இந்தச் சம்பவங்கள் குறித்து விசாரிக்கத் தொடங்கியுள்ளனர் என்றும் தாய்லாந்து ஊடகங்கள் தெரிவிக்கின்றன.
———
Reported by :Maria.S