ஜப்பான் கடல் தன்னியக்க பாதுகாப்பு படைக்கு (Japan Maritime Self-Defense Force – JMSDF) சொந்தமான Akebono DD 108 எனும் கப்பல் திருகோணமலை துறைமுகத்தை இன்று காலை வந்தடைந்தது.
கடற்படையின் சம்பிரதாயங்களுக்கு அமைய, இலங்கை கடற்படையினரால் குறித்த கப்பல் வரவேற்கப்பட்டது.
Destroyer வகையை சேர்ந்த இந்த கப்பல் 150 மீட்டர் நீளம் கொண்டது.
இந்த கப்பலில் 172 பணியாளர்கள் உள்ளனர்.
Akebono DD 108 கப்பல் நாட்டில் நங்கூரமிட்டிருக்கும் காலப்பகுதியில் இருநாட்டு கடற்படையினருக்கும் இடையில் நட்புறவை மேம்படுத்தும் பல்வேறு நிகழ்ச்சிகளில் பங்கேற்கவுள்ளது.
குறித்த கப்பல் இலங்கை கடற்படைக் கப்பலுடன் இணைந்து பயிற்சியில் ஈடுபடவுள்ளதாக கடற்படையினர் தெரிவித்துள்ளனர்.
குறித்த கப்பல் எதிர்வரும் 31 ஆம் திகதி நாட்டில் இருந்து புறப்பட்டுச் செல்லவுள்ளது.
Reported by:S.Kumara
