கனடாவில் 16 வயது சிறுமி காணாமல் போனதை அடுத்து பொலிஸார் தொடர்ந்து தேடி வருகின்றனர்.
வடமேற்கு ஸ்காபரோவைச்(Northwest Scarborough) சேர்ந்த 16 வயதுடைய ஐயா அல்லாம் என்ற சிறுமி கடந்த 12ஆம் திகதி மாலை நேரத்தில் காணாமல் போயுள்ளார்.
ஐயா அல்லாம்(Iyah Allam) 5 அடி 4 அங்குலம் உயரமும், மெலிந்த உடல் வாகும் கொண்டவர் என பொலிசார் தெரிவித்தனர். கடைசியாக அவள் அணிந்திருந்த ஆடையின் விபரம் தெரியவில்லை.
காணாமல் போன சிறுமி பற்றி தகவல் தெரிந்தவர்கள் 416-808-4200 என்ற எண்களில் காவல்துறையைத் தொடர்பு கொள்ளலாம். மேலும் 24 மணி நேரம் வரை காத்திருக்க வேண்டிய அவசியம் இல்லை என்று பொலிஸார் கூறுகின்றனர்.
Reported by : Sisil.L
