கனடாவில் உணவகத்துக்குச் சென்ற ஒருவரிடம் நூதன முறையில் திருடப்பட்டுள்ளது.
வன்கூவரில் வாழும் Changqing Yu என்பவர், சென்ற வாரம், Richmondஇலுள்ள Tian Shi fu என்ற உணவகத்துக்குச் சென்றுள்ளார்.
தனது காரை தரிப்பிடத்தில் விட்டுவிட்டு, நடக்க முயன்ற Changqingஇடம், அருகில் நின்ற ஒரு காரில் இருந்த பெண் ஒருவர் ஆங்கிலத்தில் ஏதோ கேட்டுள்ளார்.
Changqing தனக்கு ஆங்கிலம் தெரியாது என மாண்டரின் மொழியில் கூற, அந்தப் பெண் தொடர்ந்து ஏதேதோ கேட்டுள்ளார். உடனே அந்தக் காருக்கு அருகில் சென்ற Changqing, நீங்கள் என்ன சொல்கிறீர்கள் என்பது எனக்குப் புரியவில்லை என்று கூற, சட்டென Changqingஇன் கையைப் பிடித்த அந்தப் பெண், அவரது கையை இறுகப் பற்றிக்கொண்டு, அவரது கையில் நெக்லஸ் ஒன்றை அணிவிக்க முயன்றிருக்கிறார்.
எனக்கு அது வேண்டாம் என்று Changqing கூற, அந்தப் பெண் அவரது கையை மேலும் இறுக்கமாகப் பிடித்து தனக்கு அருகே இழுத்திருக்கிறார்.
அப்போதுதான் தன் கையில், அணிந்திருந்த 45,000 டொலர் மதிப்புடைய ரொலக்ஸ் கைக்கடிகாரம் தனது கையிலிருந்து நழுவுவதைக் கவனித்துள்ளார் Changqing.
கைக்கடிகாரத்தை இழந்த Changqing, பொலிசாரிடம் அது குறித்து முறைப்பாடு அளித்துள்ள நிலையில், Richmondஇலுள்ள உணவகத்துக்குச் செல்வதால் தனக்கு 45,000 டொலர் இழப்பு ஏற்படும் என தான் கனவிலும் நினைக்கவில்லை என்கிறார்.
பொலிசார் இந்த நவீன திருட்டு தொடர்பாக விசாரணை மேற்கொண்டு வருகிறார்கள்.
Reported by : Sisil.L
