வீதியில் நிறுத்தி வைக்கப்பட்டிருந்த பார ஊர்தியுடன் அதிவேகமாக வந்த மோட்டார் சைக்கிள் மோதியதில் இரு இளைஞர்கள் சம்பவ இடத்திலேயே உயிரிழந்தனர்.
மோட்டார் சைக்கிளை செலுத்தி வந்தவரும் அவருடன் பயணித்தவருமே இவ்வாறு உயிரிழந்தனர்.
நேற்று முன்தினம் இரவு 11.40 மணியளவில் கிளிநொச்சி – பரந்தன் ஏ-9 வீதி யில் இடம்பெற்ற இந்த விபத்தில், பரந்தன் – குமரபுரத்தைச் சேர்ந்த மகேந்திரராசா யூட்கபிசன் (வயது -29), சௌந்தானந்தன் காந்தீபன் (வயது 34) என்போரே இவ்வாறு உயிரிழந்தனர். இவர்களில் ஒருவருக்கு நேற்று பிறந்த நாளாகும்.
பிறந்தநாளை கொண்டாடுவதற்காக விருந்து ஏற்பாட்டுக்காகச் சென்று திரும்பியபோதே இந்த விபத்து ஏற்பட்டுள்ளது. விபத்து குறித்து கிளிநொச்சி பொலிஸார் விசாரணைகளை ஆரம்பித்து நடத்தி வருகின்றனர்.
———-
Reported by : Sisil.L
