தற்போதைய அரசாங்கத்துக்கு எதிராக எதிர்க்கட்சிகள் ஏற்பாடு செய்துள்ள ஆர்ப்பாட்ட பேரணி கண்டியிலிருந்து இன்று ஆரம்பமாகியுள்ளது. மிகப்பெரிய காக உருவத்துடன் கூடிய எதிர்ப்பு பேரணி இன்று(26) காலை 9.30 மணிக்கு கண்டியிலிருந்து ஆரம்பமானது.
நாளை வியாழனன்று மாவனல்லையில் இருந்து கலிகமுவ வரையும், கலிகமுவவில் இருந்து தன்னோவிட்ட வரையும் இந்த எதிர்ப்பு பேரணி பயணிக்கவுள்ளது. எதிர்வரும் ஏப்ரல் மாதம் 29ஆம் திகதி தன்னோவிட்டவிலிருந்து யக்கல வரையும், 30ஆம் திகதி யக்கலவில் இருந்து பேலியகொட வரையும் இந்த ஆர்ப்பாட்டப் பேரணி இடம்பெறவுள்ளது.
மே தினத்தை நினைவுகூரும் வகையில் எதிர்வரும் மே மாதம் முதலாம் திகதி கெம்பல் பூங்காவில் இருந்து சுதந்திர சதுக்கம் வரை நடைபயணம் மேற்கொள்ளப்படவுள்ளது.
——————
Reported by : Sisil.L
