மலைப் புலியொன்று கூரையை உடைத்து வீட்டினுள் வீழ்ந்துள்ளதாக லிந்துலை பிரதேசத்திலிருந்து செய்தி ஒன்று பதிவாகியுள்ளது.
இது தொடர்பான சம்பவம் லிந்துல பொலிஸ் பிரிவுக்குட்பட்ட லோகி தோட்டத்திலுள்ள வீடொன்றில் இடம்பெற்றுள்ளது.
இரவு 10 மணியளவில் புலி வீட்டினுள் வீழ்ந்ததையடுத்து வீட்டில் இருந்தவர்கள் அங்கிருந்து தப்பி உயிர் பிழைத்துள்ளனர்.
பின்னர் புலி தப்பிச் செல்ல முடியாதவாறு வீட்டின் ஜன்னல், கதவுகள் அனைத்தையும் பூட்டிவிட்டு இது தொடர்பாக வனவிலங்கு அதிகாரிகளுக்கு தகவல் கொடுத்தனர்.
அதன்படி, ரந்தெனிகல கால்நடை வைத்தியசாலையின் வைத்தியரின் தலையீட்டில் வனவிலங்கு உத்தியோகத்தர்களால் புலிக்கு மயக்க மருந்து செலுத்தி பாதுகாப்பாக கூண்டில் அடைத்து கொண்டு செல்லப்பட்டதாக தெரிவிக்கப்படுகிறது.
நாய் ஒன்றை வேட்டையாட வந்த புலி விபத்துக்குள்ளாகி வீட்டினுள் வீழ்ந்துள்ளதாக மேலதிக விசாரணைகளில் தெரியவந்துள்ளது.
—————
Reported by :Maria.S
