ஆசிரியர்களுக்கு கொரோனா தடுப்பூசி செலுத்தும் நடவடிக்கை இன்று முதல் ஆரம்பிக்கப்பட்டுள்ளது. அதிபர்கள், ஆசிரியர்கள் மற்றும் கல்வி சார் ஊழியர்களுக்கு கொரோனா தடுப்பூசி செலுத்தும் நடவடிக்கை இன்று முதல் முன்னெடுக்கப்படும். அதன்படி, நாட்டிலுள்ள 10,155 பாடசாலைகளின் ஆசிரியர்கள், அதிபர்கள் மற்றும் அனைத்து கல்விசாரா ஊழியர்களுக்கும் தடுப்பூசிகள் செலுத்தப்படும் எனத் தெரியவந்துள்ளது.
மிக விரைவில் பாடசாலைகளைத் திறக்கும் நோக்கில் தடுப்பூசி செலுத்த நடவடிக்கை முன்னெடுக்கப்பட்டுள்ளதாக கல்வி அமைச்சர் பேராசிரியர் ஜி.எல். பீரிஸ் தெரிவித்தார்.
மேலும் முதற்கட்டமாக பாடசாலைகளைத் திறப்பதற்காக 100க்கும் குறைவான மாணவர்களைக் கொண்ட பாடசாலைகள், அரச பாடசாலைகள் மற்றும் பிரிவெனாக்களைத் திறக்க எதிர்பார்ப்பதாக கல்வி அமைச்சர் மேலும் தெரிவித்துள்ளார்.
—————
Reported by : Sisil.L
