கடந்த 13ஆம் திகதி இலங்கை தேசிய தொலைக்காட்சி கூட்டுத்தாபனத்துக்குள் பலவந்தமாக நுழைந்து ஒளிபரப்பு நடவடிக்கைகளுக்கு இடையூறு ஏற்படுத்த முயற்சித்த டனிஸ் அலி என்பவருக்கு நீதிமன்றம் பிடியாணை பிறப்பித்துள்ளதாக பொலிஸார் தெரிவிக்கின்றனர்.
டுபாய் செல்ல முற்பட்ட வேளையில் கட்டுநாயக்க விமான நிலையத்தில் வைத்து டனிஸ் அலி நேற்று பொலிஸாரால் கைது செய்யப்பட்டதாக சிரேஷ்ட பொலிஸ் அத்தியட்சகர் நிஹால் தல்துவ தெரிவித்தார்.
டுபாய் செல்வதற்காக குறித்த நபர் விமானத்தில் ஏறிய போது பொலிஸாருடன் வர மறுத்த வேளை பலவந்தமாக கொண்டு செல்லப்பட்ட விதம் அடங்கிய காணொளி ஒன்று சமூக வலைத்தளத்தில் பதிவாகியுள்ளது.
———–
Reported by :Maria.S