காலியில் ரயில் – முச்சக்கரவண்டி விபத்து; ஒரே குடும்பத்தைச் சேர்ந்த மூவர் பலி

காலி, ரத்கம-வில்லம புகையிரதக் கடவையில் முச்சக்கர வண்டி ஒன்று புகையிரதத்துடன் மோதியதில் ஒரே குடும்பத்தைச் சேர்ந்த மூவர் உயிரிழந்துள்ளனர்.

இன்று இடம்பெற்ற இவ்விபத்தில் முச்சக்கர வண்டியின் சாரதி, அவரது மாமியார் மற்றும் மற்றுமொரு உறவினரே இவ்வாறு உயிரிழந்துள்ளதாக பொலிஸார் குறிப்பிட்டுள்ளனர்.

விபத்தில் படுகாயமடைந்த முச்சக்கர வண்டிச் சாரதியின் மனைவி கராப்பிட்டிய வைத்தியசாலையில் அனுமதிக்கப்பட்டுள்ளார்.

புகையிரத சமிக்ஞைகள் செயலிழந்த நிலையில் முச்சக்கரவண்டி தண்டவாளத்தின் ஊடாக பயணித்த போதே இந்த விபத்து இடம்பெற்றுள்ளது.
பெலியத்தவில் இருந்து அனுராதபுரம் நோக்கிப் பயணித்த புகையிரதத்துடன் முச்சக்கர வண்டி மோதி விபத்துக்குள்ளானதாக புகையிரத கட்டுப்பாட்டு அறை தெரிவித்துள்ளது.
——————-
Reported by : Sisil.L