கனடாவில் இருவருடன் மாயமான விமானத்தைத் தேடும் பணி தொடர்கிறது

கனடாவின் ஒன்ராறியோவில் விமானம் ஒன்று இருவருடன் மாயமான நிலையில், அதைத் தேடும் பணி ஐந்தாவது நாளாகத் தொடர்கிறது.

கனேடிய இராணுவ செய்தித்தொடர்பாளரான Maj. Trevor Reid என்பவர் கூறும்போது, கடந்த வியாழனன்று பிற்பகல் 3.45 மணியளவில் ஒன்ராறியோவிலுள்ள டில்லியிலிருந்து Marathon என்ற இடம் நோக்கி விமானம் ஒன்று புறப்பட்டதாக தெரிவித்துள்ளார்.

ஆனால், அது சென்று சேர வேண்டிய இடத்தைச் சென்றடையவில்லை என்று கூறும் Reid, ஆகவே, கனேடிய விமானப்படை, எல்லைப் பாதுகாப்புப்படை ஆகியவை அன்றே தேடுதல் நடவடிக்கையைத் தொடங்கியதாகத் தெரிவித்துள்ளார்.

அன்று இரவு 8.00 மணிக்கு ஆரம்பமான தேடுதல் வேட்டை ஐந்தாவது நாளாகியும் தொடர்கிறது.
ஆனால், அந்த விமானம் எதற்காக பயன்படுத்தப்பட்டது, அதில் பயணித்தது யார் என்பது போன்ற விடயங்களை Reid வெளியிடவில்லை.