சுற்றுலா விமான போக்குவரத்து அமைச்சரின் வழிகாட்டலை அடுத்து சிவில் விமான அதிகார சபை ஒவ்வொரு விமானத்திலும் உள்வரும் பயணிகள் எண்ணிக்கையில் திருத்தங்களை அறிவித்துள்ளது.இதன்படி வருகை தரும் பயணிகள் தடுப்பூசி முழுவதும் போடப்பட்டு 14 நாட்கள் கழிந்தால் ஒவ்வொரு விமானத்துக்குமான பயணிகள் எண்ணிக்கையில் எத்தடையும் இருக்காது. ஹோட்டல் மற்றும் அரசாங்க தனிமைப்படுத்தலுக்கு வரும் பயணிகளுக்கும் இது பொருந்தும்.
இலங்கை சுற்றுலா பயோ பபிள் வழியாக பயணிகள் வருகிறார்கள் என்றால், ஒவ்வொரு விமானத்துக்கும் வரும் பயணிகளின் எண்ணிக்கையில் வரையறை இருக்காது.
தடுப்பூசி போடாத பயணிகள் அல்லது பகுதியளவில் தடுப்பூசி போட்டவர்கள் வரும் விமானங்களின் பயணிகள் எண்ணிக்கை ஒவ்வொரு விமானத்துக்கும் 75ஆக வரையறுக்கப்பட்டுள்ளது. இலங்கையின் அனைத்து விமான நிறுவனங்களுக்கும் சிவில் விமான போக்குவரத்து அதிகார சபை இச்செய்தியை அனுப்பியுள்ளது.
—————–
Reported by : Sisil.L
