யாழ்ப்பாணத்தில் பல்வேறு கோரிக்கைகளை முன்வைத்து நேற்று சனிக்கிழமை கவனயீர்ப்பு போராட்டமொன்று முன்னெடுக்கப்பட்டது.
புதிய ஜனநாயக மாக்சிச லெனினிச கட்சியின் ஏற்பாட்டில், யாழ்.மத்திய பஸ் நிலையத்துக்கு முன்பாக இந்தக் கவனயீர்ப்பு போராட்டம் முன்னெடுக்கப்பட்டது.
இதன்போது போராட்டத்தில் ஈடுபட்டவர்கள், அனைத்து அரசியல் கைதிகளையும் உடனடியாக விடுதலை செய்!,
அனைவருக்கும் தடுப்பூசி வழங்கு, பாதுகாப்பு வழிகளைச் செய்து பாடசாலைகளைத் தொடங்கு, கொரோனா திரைமறை
வில் எங்களை வதைக்கதே, உணவுப் பொருட்கள், எரிபொருட்களின் விலையை உடனே குறை, விவசாயிகள் மற்றும் மீனவர்கள் எதிர்கொள்ளும் நெருக்கடிக்குத் தீர்வு காண்… உள்ளிட்ட வாசகங்கள் எழுதப்பட்ட பதாதைகளை ஏந்தியிருந்தனர்.
சம்பவம் தொடர்பாக தகவல் அறிந்து அவ்விடத்துக்கு வருகை தந்த யாழ்ப்பாணப் பொலிஸார், போராட்டத்தை நிறைவு செய்யுமாறு வலியுறுத்தியமையைத் தொடர்ந்து போராட்டம் நிறைவுக்கு கொண்டுவரப்பட்டமை குறிப்பிடத்தக்கது.
——————–
Reported by : Sisil.L
